Työnantajat saattava pelastaa henkiä ko net kannustava verenanthoon. Mahottisuus antaa työajala lissää huomattavasti sitä ette anto oikeasti tapahtuu.
Yleisin syy sihen ettei ihmiset anna verta ei ole pelko eli vastenmielisyys – vaan se ettei asia tule tehtyä. Aika ja saavutettavuus ratkaseva. Sen tähen työnantajan suhtautuminen oon yksi tehokhaimista keinoista lisätä verenantajitten määrää Ruottissa.
Mitä työnantaja saattaa tehä?
- Antaa työntekijöile luvan antaa verta palkalisela työajala, noin tunnin muutaman kerran vuoessa.
- Kertoa mahottisuuesta uusien työntekijöitten perehytyksessä ja sisäsissä kanavissa.
- Kutsua veribussi työpaikale jos työntekijöitä oon paljon.
- Nostaa verenanto esile vastuulisuusraportoinissa osana sosiaalista vastuuta.
- Huomioia työntekijät jokka anttava säänölisesti.
Miksi se kannattaa?
Veren saatavuus oon osa kokonaismaanpuolustusta. Suurempi määrä aktiivisia antajia mahottaa nopean liikekannalepanon suuronnettomuuessa, korotetussa valmiuessa ja soassa. Työnantajale se oon samala konkreettinen ja halpa sosiaalisen kestävyyen toimi jota työntekijät arvostava.
Met autama mielelämme
Ruottin verenantajaliitto tullee mielelänsä kertomhaan teän työpaikale verenannosta ja auttaa tekemhään yksinkertasen käytänön. Ottakaa yhtheyttä niin kerromma lissää.