Tietoa liitosta

Liiton tarkotus

Nimettömällä verenannola met tarkotamma sitä ette antaja ja vasthaanottaja oon nimettömiä toisilensa. Antaja ei sen sijhaan ole koskhaan nimetön hoiole: joka anto pittää saaha tunnistaa ja jäljittää, sekä näytheenottoa varten ette sen tähen ette vasthaanottajala maholiset haitat saahaan selvitettyä.

• eistää Ruottin puolustusta, yhtheiskunnan turvalisuutta ja varautumista keskittyen ihmisveren saatavuutheen rauhassa, kriisissä ja soassa,
• eistää Ruottin kykyä vastata kansalisheen ja kansanvälisheen ihmisveren tarpheesheen,
• eistää säänölistä, vaphaaehtosta, palkatonta ja nimetöntä verenantoa,
• tehä yhtheistyötä kansalisten ja kansanvälisten elimitten kansa korkealaatusen veren ja verivalmisteitten turvaamiseksi,
• vaikuttaa sihen ette käytethään menetelmiä jokka takkaava sekä antajan ette vasthaanottajan turvalisuuen,
• vastustaa kaikkea verheen ja verijohanaisheen liittyvää markkinointia ja voiton tavottelua sen periaatheen mukhaan ette ihmisruumis ei ole myytävä,
• tukea tutkimuksia, toimintaa ja tapahtumia jokka koskeva verensiirtoa ja verenantajitten järjestäytymistä, sekä
• kääntyä ruottalaisten verenantajitten kansa kansalisten ja kansanvälisten hallintoelimitten ja ylheisen mielipitheen puolheen ette eistää vaphaaehtosta, korvauksetonta verenantoa ja antajan altruismin kunnioittamista.

Liitto oon auki kaikile jokka jaka liiton tavotheet, sillä ehola ette säänöt hyväksythään ja jäsenmaksu maksethaan.

Näin met totheutamma tarkotustamma

• tiettämällä suurele ylheisöle, järjestöile ja yrityksile,
• järjestäytymällä verenantajitten kansa Ruottissa,
• tekemällä yhtheistyötä ulkomaisten ja kansanvälisten järjestöitten kansa joila oon samat päämäärät,
• vaikuttamalla viranomhaisiin ja päättäjhiin,
• helpottamalla usiampien antajitten mahottisuuksia antaa verta ushein ja säänölisesti, sekä
• huomioimalla ja palkitemalla niitä jokka oon vaikuttanheet sihen ette annettua verta oon enemän Ruottissa.

Visio

Verenannon pittää olla koko terhveen aikuisväestön luonolinen tapa tukea epäitteköisesti ja jatkuvasti ruottalaista terhveyen- ja sairhaanhoitoa, valmiina antamhaan verta nopeasti suurten akuuttien tarpheitten yhtheyessä – rauhassa, kriisissä ja soassa.

Missio

• tehä kaikenikäsille arvokhaaksi olla verenantaja ja elämän antaja,
• tiettää nuorile kouluissa, vaphaaehtosissa maanpuolustusjärjestöissä ja kotivartiossa,
• tiettää, värvätä ja palkita puolustusvoimitten työntekijöitä sekä julkisten ja yksityisten univormuammattien henkilökuntaa,
• tiettää työnantajille mahottisuuesta helpottaa työntekijöitten verenantoa osana yhtheiskuntavastuuta,
• helpottaa nykysten antajitten verenantoa, sekä
• vaikuttaa sihen ette vähhiinthään 90 % Ruottin väestöstä saattaa antaa verta neljä kertaa vuoessa enintänsä tunnin matkan päässä.