Transfuzia rateski

So si transfuzia?

O rat savo del pe avel katar manuša save dine rat ande rateske centrale ando sa o Svedo. O rat dikhel pe thaj len pe mere kaj o rat katar jekh manuš e nasvalimasa te na del pe avereske. Vi e čhavorre vi e barhe manuša šaj len transfuzia.

Kana trubul?

Šaj les plazma te xasardan but rat vaj te si tut phabarimata. Okova savo lel transfuzia anda rateski nasvalipe but droma lel vi lole celije vi trombociti.

Pripremipe

Angal e transfuzia lel pe jekh cikno kotor rat te dikhel pe savi rateski grupa si tut: A, B, AB vaj 0 (nula). O sasteripe mothol save probe trubun thaj sode vaxt von važin. Ande transfuzia e grupe e dinaskosi thaj e lelaskosi trubun te džan khetane.

Kadaja kompatibilnost važil vaš o transfuzia e lole rateske celengo. Vaš i plazma thaj e trombociturja važin aver pravila.

• A šaj del ke A thaj AB, thaj lel katar A thaj 0.
• B šaj del ke B thaj AB, thaj lel katar B thaj 0.
• AB šaj del numa ke AB, ali lel katar savorre.
• 0 šaj del ke savorre, ali lel numa katar peski grupa.

O Rh-faktori si paše 85 % e manušengo ando Svedo (Rh+). E aver 15 % si Rh-negativno (Rh−).

Sar kerdol

Ande transfuzia o rat džal ando trupo prekal jekh vena ando vast, ando kuj vaj ke kor. But droma pašljos dži kaj kerdol. Te si tuke pharo e suv, šaj les jekh melem savo kerel te na dukhal.

Kobor vaxt lel?

Jekh gono rateski lel jekh dži duj ore. E rateski vrednost bariol paše 10 g/l pe svako gono. Sode gone den pe, kodo mothol o štato e nasvaleskoro thaj i vina e transfuziaki. Jekh transfuzia e trombocitenca lel paše 30 minutura.

Mišto te džanes

• Jekh čhavorro savo trubul transfuzia šaj anel jekhe pašutne pesa.
• Pale transfuzia but manuša inkeren pe majzoralo. Odova si vi vaš e čhavorre vi vaš e barhe manuša.
• Komplikacie pale transfuzia si but retko.
• Šaj trubul rat anda but razlogura: bijandipe, operacia, aksidento vaj nasvalipe.